Ministrja për Punët e Jashtme dhe Evropën Olta Xhaçka, nëpërmjet një postimi në Twitter ka reaguar në lidhje me deklaratën e Ministrit të Punëve të Jashtëm të Greqisë, Nikos Dendias, i cili u shpreh se vendimin për të arrestuar kandidatin e koaliconit “Bashkë Fitojmë” për bashkinë e Himarës, Fredi Beleri ishte skandaloz.
“Vendimi i sotëm i gjykatës, nëse provat nuk janë të pakundërshtueshme, është skandaloz. Arrestimi i një kandidati për Kryetar Bashkie dy ditë para zgjedhjeve nuk është ne përputhje me ligjin.” – është ky reagimi i ministrisë së jashtme greke, pasi gjykata e Vlorës la në burg kandidatin e koalicionit ‘Bashkë Fitojmë’, Fredi Beleri.
Xhaçka shkruan se është e pamundur të kuptohet se miqtë tanë grek kundërshtojnë një vendim gjykate në vendin tonë. Ajo shton se Beleri është kapur duke bërë pazare votash, një akt kriminal kundër zgjedhjeve të lira dhe të ndërshme.
Ministrja po ashtu i bën thirrje miqve grekë të përmbahen nga deklaratat që nuk respektojnë institucionet e pavarura në vendin tonë.
Postimi i Olta Xhaçkës:
Është thuajse e pamundur të kuptohet se si miqtë tanë kanë të drejtë të kundërshtojnë një vendim gjykate në vendin tonë, kur provat e forta që ata kërkonin nuk mund të ishin më të vështira – Fredi Beleri është kapur duke u përfshirë në aktivitet kriminal kundër të lirë dhe zgjedhje të ndershme.
Nuk e kuptojmë se si shtetasi grek e përjashton atë nga ligji si shtetas i Shqipërisë. Ne u bëjmë thirrje miqve tanë grekë të përmbahen nga deklaratat që nuk respektojnë institucionet e pavarura të vendit tonë.
