Është gjetur i vdekur 47-vjeçari shqiptar, i cili ishte shpallur i zhdukur tre ditë më parë. ngjarja ka ndodhur në komunën e Comunanza-s, në provincën e Ascolit.
Shqiptari ishte larguar nga shtëpia pas një debati me familjarët, shkruajnë mediat italiane. të nesërmen bashkëshortja denoncoi humbjen e tij, pasi 47-vjeçari nuk i ishte përgjigjur në telefon.
Trupi i pajetë i tij është gjetur në mëngjes nga zjarrfikësit dhe mbrojtja civile pranë liqenit Gerosa, po ashtu edhe automjeti i tij tip “furgon”, me të cilin ishte larguar nga banesa.
Ende nuk dihet shkaku i vdekjes së tij, por policia po heton edhe pistën e vetëvrasjes.
