Fansat e Besart Kallakut dhe Xhensila Myrtezaj, e kanë të vështirë të besojnë se çifti është drejt divorcit, dhe nuk kanë faj.
Prej rreth 3 vitesh, marrëdhënia e tyre vihet herë pas here në pikpyetje e diskutohet për ndarje.
Por këtë herë ishin vetë ata që dhanë shenjat se diçka nuk shkon.
Këtë e bënë nëpërmjet rrjeteve sociale dhe nuk është shumë të themi se “Instagrami” është bërë një burim i pandashëm i vip-ave tanë, ku tregojnë shumë nga jeta personale dhe profesionale.
Disa ditë më parë, gjatë një interviste televizive, motra e Bes Kallakut, foli me ton aspak negativ për raportin e saj me kunatën, Xhensila Myrtezajin.
“Unë kam qenë gjithmonë jashtë këtyre paranojave për marrëdhënien mes kunatave. Mendoj që secili prej nesh nëse është i kujdesshëm ose nëse është dashamirës në marrëdhënien që krijon, patjetër nuk ka pse të ketë hapësira që gjërat të mos shkojnë mirë. Kështu që marrëdhëniet kanë qenë dhe janë shumë mirë”, shprehet Ana Kallaku.
