Ambasada e SHBA e akredituar në Tiranë, ka ndarë një njoftim të rëndësishëm për të gjithë ata shqiptarë që disponojnë një vizë amerikane.
Me anë të një videomesazhi, ambasada amerikane shkruan se Shqipëria zyrtarisht është bërë pjesë e Klubit Gjashtëmujor.
Sipas ambasadës, kjo do të thotë se “mbajtësit e pasaportave shqiptare me një vizë të vlefshme për në SHBA mund të udhëtojnë drejt Shteteve të Bashkuara pa pasur nevojë të kenë një pasaportë të vlefshme për gjashtë muaj pas udhëtimit të tyre”.
“Lajm i mirë! Falë lidhjeve të forta midis dy vendeve tona, Shqipëria është bërë zyrtarisht pjesë e Klubit Gjashtëmujor!
Kjo do të thotë se mbajtësit e pasaportave shqiptare me një vizë të vlefshme për në SHBA mund të udhëtojnë drejt Shteteve të Bashkuara pa pasur nevojë të kenë një pasaportë të vlefshme për gjashtë muaj pas udhëtimit të tyre!
Shihni videon për të mësuar se si funksionon! Urime Shqipëri! Mirëardhshi në SHBA”, shkruan ambasada.
