Një aksident i rëndë ka ndodhur pasditen e sotme në Bulqizë. Paraprakisht mësohet se një mjet tip furgon që transportonte nxënësit e shkollës profesionale, ka humbur kontrollin dhe ka dalë nga rruga.
Si pasojë janë plagosur pesë nxënës dhe janë dërguar me urgjencë në spital ku ndodhen jashtë rrezikut për jetën.
Raportohet se nxënësit e shkollës profesionale kanë qenë duke shkuar në minierën e Bulqizës për praktikë. Ndërkohë Policia ka mbërritur në vendin e ngjarjes dhe po punon për të zbardhur shkaqet e aksidentit.
