Aksident tragjik në Prishtinë. Një makine me targa të huaja dhe një autobus janë përplasur mes tyre. Ngjarja ndodhi rreth orës 04:00 të mëngjesit në rrugën Prishtinë-Podujevë. Nga ky aksident kanë mbetur të vdekur dy persona dhe dy të tjerë janë lënduar. Rastin e ka konfirmuar zëdhënësja e Policisë së Kosovës për Rajonin e Prishtinës.
Ahmeti ka bërë me dije se viktimat janë një 35-vjeçare me inicialet M.S dhe një 36-vjeçar me inicialet Sh.S, derisa të lënduar kanë mbetur dy fëmijë.
“Rreth orës 04:40 në rrugën Prishtinë – Podujevë, ka ndodhur një aksident trafiku me pasoja fatale. Në këtë aksident kanë qenë të përfshira, një veturë (me targa të huaja) e cila ka qenë në lëvizje dhe një autobus. Si pasojë e aksidentit lëndime të rënda trupore kanë pësuar katër persona, dy prej tyre nuk kanë arritë të përballojnë plagët dhe të njëjtit kanë ndërruar jetë.
Vdekjen e tyre e ka konstatuar ekipi mjekësor në vendngjarje. Trupat e viktimave” Sh.S, mashkull, 36 vjeç dhe M.S, femër, 35 vjeç janë dërguar për ekspertim në Institutin e Mjekësisë Ligjore, ndërsa dy personat tjerë të lënduar (fëmijë) janë dërguar për tretman mjekësor”, ka thënë Ahmeti.
