Nga aksidenti ka mbetur i lënduar drejtuesi i mjetit, i cili është dërguar në spital për të marrë ndihmë mjekësore.
VLORË- Një aksident ka ndodhur ditën e sotme në Vlorë ku një makinë ka përplasur një motor.
Një automjet tip “Benz” me drejtuese K. B, është përplasur me një motomjet me drejtues A. M, e për pasojë është dëmtuar drejtuesi i motomjetit, i cili ndodhet në spital, nën kujdesin e mjekëve.
Drejtuesja e automjetit shtetasja K. B, është shoqëruar në Komisariat për veprime të mëtejshme.
Në vendngjarje ndodhet grupi hetimor, i cili po kryen veprimet në lidhje me sqarimin e plotë të rrethanave të aksidentit.
