Ditën e djeshme, një aksident i rëndë u regjistrua në një firmë për shpërndarjen e pijeve alkoolike në Fushë Mëzez, ku një 54-vjeçare ka ndërruar jetë.
Policia ka arrestuar 56-vjeçarin Refik Sokoli, punononjës i firmës ku u aksidentua 54-vjeçarja.
Policia e Tiranës, informon se gjatë sistemimit të disa paletave me një mjet pune pirun, janë rrëzuar dy paleta të cilat kanë zënë poshtë shtetasen K. B., 54-vjeçe. Si pasojë e dëmtimeve të marra 54-vjeçarja ka ndërruar jetë më pas në spital.
Uniformat blu, kanë arrestuar punëtorin e kësaj firme, Refik Sokoli, 56-vjeç, banues në Tiranë.
Dosja i kaloi prokurorisë së Tiranës për hetime të mëtejshme.
