Një aksident ka ndodhur pasditen e sotme në autostradën Lushnje-Fier, ku një kamion është përplasur me trafik ndarësen.
Ngjarja ka ndodhur pranë fshatit Rrapëz, ku sipas informacioneve të marra në vendngjarje, kamioni i cili udhëtonte nga Lushnja për në Fier, i është prerë rruga nga një furgon, i cili po dilte në rrugë pa vënë re kamionin.
Në këtë moment drejtuesi i kamionit ka bërë një manovër për të shmangur përplasjen fatale, por është përplasur me trafik ndarëse dhe disa shtylla në anë të rrugës.
Si pasojë e këtij aksidenti kamioni pësoi dëme të mëdha, ndërsa fatmirësisht nuk pati dëme në njerëz.
Më pas ishte ndërhyrja e policisë ajo që normalizoi trafikun e krijuar pasi kamioni bllokoi gati të dy karrexhatat.
