Të paktën 30 persona u plagosën pasi një zjarr shpërtheu brenda një ndërtese banimi në shtetin lindor indian të Bihar, thanë zyrtarët.
Zjarri shpërtheu në lokalitetin Shahganj të rrethit Aurangabad, rreth 94 km në jug të Patna, kryeqyteti i Biharit.
Sipas zyrtarëve, një qark i shkurtër elektrik çoi në zjarrin masiv dhe shkaktoi një shpërthim të gazit.
“Gruaja ime po gatuante për Chhath Puja (festival hindu) në orën 2:30 (me orën lokale) të mëngjesit. Papritur një zjarr shpërtheu në ndërtesë dhe e përfshiu atë, pas së cilës filluam të iknim jashtë dhe më pas shpërthyen bombolat e gazit të gatimit dhe na plagosi të gjithëve, rreth 20 anëtarë të familjes”, tha për mediat Anil Goswami, një tregtar.
Pas rënies së zjarrit, forcat e policisë dhe zjarrfikëses kanë shkuar në vendngjarje për të shpëtuar.
Raportet thanë se shtatë punonjës policie dhe disa vendas gjithashtu pësuan djegie ndërsa përpiqeshin të shuanin zjarrin.
